"Бавария" бош директори Оливер Кан клубнинг жорий трансфер ойнаси муваффақияти ҳақида ўз фикри билан ўртоқлашди.
«Биз режалаштирилган ишларнинг катта қисмини якунладик ва ёзги трансфер ойнаси охиригача шошмаслигимиз керак.
Мен учун бу жуда муҳим. Ҳозирги лавозимдаги фаолиятимнинг бошидаёқ Ҳасан Салиҳамиджичга трансфер битимларини тезроқ якунлаш асосий мақсадларимиздан бири бўлиши кераклигини айтгандим.
Охирги икки-уч йил ичида биз иқтисодий жиҳатдан жуда оғир кунларни бошдан кечирдик, аммо пандемияга қарамай, даромадимизни сақлаб қолишга муваффақ бўлдик. Бу бизнинг молиявий кучимиздан далолат беради”, дейди Кан.
