"Лацио" бош мураббийи Маурицио Сарри "Челси" раҳбарияти билан эҳтимолий трансферларни муҳокама қилиш учун Лондонга йўл олди.
Италиялик мутахассиснинг асосий мақсади ҳимоячи Эмерсон бўлади, бироқ футболчининг агенти сўзларига кўра, Сарри Римга ярим ҳимоячи Рубен Лофтус-Чикни трансфер қилиш бўйича келишиб қайтиши мумкин.
«Билишимча, «Лацио» «Челси» билан Лофтус-Чик ҳақида гаплашмаган. Аммо Сарри Рубенга аввалдан қизиқиб юрарди ва футболчига ҳам А Серия ёқади. Кўрамиз, нима бўлишини”, - дейди футболчининг агенти.
Лофтус-Чик ўтган мавсумда Премьер-лигада 24 та ўйинда майдонга тушиб, 2 та голли узатмани амалга оширган.
