Донецкнинг "Шахтёр" клуби ярим ҳимоячи Александр Зинченконинг "Манчестер Сити"дан Лондоннинг "Арсенал" клубига ўтишидан тушган маблағнинг бир қисмини олиши мумкин.
Манбага кўра, украиналиклар бирдамлик тўлови доирасида 500-600 минг евро миқдорида маблағ олиши мумкин, чунки футболчи клубнинг тарбияланувчиси ҳисобланади.
Футболда умумий қоидага кўра, ўйинчиларни тайёрлаш 12 ёшдан 23 ёшгача бўлади. Зинченко 2012 йилдан 2014 йилгача "Шахтёр" тизимида бўлган, турли ёшдаги ёшлар жамоаларида ўйнаган, шунинг учун Донецк клуби футболчининг машғулотларига қўшган ҳиссаси учун товон пули талаб қилиши мумкин.