"Манчестер Юнайтед" ҳужумчиси Криштиану Роналду Лиссабонда қолмоқда ва у ерда агенти Хорхе Мендешдан кўрсатма кутмоқда, деб хабар беради Football Daily.
Мендеш Роналду учун янги клуб топишга ҳаракат қилмоқда. Португалиялик ҳужумчи Чемпионлар лигасида ўйнайдиган жамоага ўтмоқчи экани маълум қилинганди. Роналдуга "ПСЖ", "Атлетико" ва "Челси" қизиқиш билдирган, бироқ кейинчалик клублар португалиялик ҳужумчини сотиб олиш фикридан воз кечишган.
Криштианунинг ўзи "Манчестер Юнайтед"ни тарк этиш учун маошини 30 фоизга камайтиришга тайёр.
Аввалроқ Роналду “Манчестер Юнайтед” билан мавсумолди турнега чиқмаганди.
Роналду “Манчестер Юнайтед”да 2021 йилдан буён тўп тепади. Португалиялик ҳужумчининг клуб билан шартномаси 2023 йилгача мўлжалланган.
