"ПСЖ" ярим ҳимоячиси, шу ёзда "Порту"дан келиб қўшилган Витинья жаҳон супер юлдузлари билан ўйнаши ҳақида гапирди.
22 ёшли португалиялик парижликлар билан 5 йиллик шартнома имзолади ва трансфер суммаси 41,5 миллион еврони ташкил қилди.
Португалия терма жамоаси таркибида ярим ҳимоячи жорий йилнинг март ойида бўлиб ўтган дебютидан буён учта ўйин ўтказди.
"Мен бу ёшда Месси, Мбаппе, Неймар ва Криштиану Роналду [терма жамоада] каби футболчилар билан бир жамоада ўйнаш имкониятига эга бўламан деб ҳеч ўйламагандим.
Бу шунчаки орзу эди, улардан қимматли сабоқлар оламан. Умид қиламанки, уларга майдонда ёрдам бера оламан”, дейди Витинья.
