"Ньюкасл" ҳужумчиси Аллан Сен-Максимен бошқа жамоага ўтиши мумкин, дея хабар беради The Athletic.
Манбага кўра, 25 ёшли франциялик футболчига "Челси" ва "Тоттенхэм" клублари қизиқиш билдирмоқда. Ҳужумчи аввалроқ “Ньюкасл”ни тарк этиш ниятида эмаслигини маълум қилганди.
2021/22 йилги мавсумда Сен-Максимен Премьер-лигада 35 та ўйинда майдонга тушиб, 5 та гол урди ва 5 та голли узатмани амалга оширди. Transfermarkt портали ҳужумчининг нархини 32 миллион еврога баҳоламоқда.