"Ювентус" бош мураббийи Массимилиано Аллегри "Гвадалахара"га (2:0) қарши ўтказилган ўртоқлик ўйинини сарҳисоб қилди.
“Бу биз учун яхши синов бўлди. Жамоа шу кунларда Туринда астойдил ҳаракат қилмоқда ва натижани кўришингиз мумкин. Биз биринчи бўлимда ҳам, иккинчи бўлимда ҳам яхши ритм билан ўйнадик. Ўз ҳиссасини қўшган ёш футболчилар ва янги келганлардан мамнунман. Погба яхши ҳаракат қилди, қилинадиган ишлар бор, лекин у бу жамоанинг тимсолларидан бирига айланади. Менга Фажоли, шунингдек, биринчи голни урган Гатти ёқди", - дея Аллегрининг сўзларини келтиради клуб расмий сайти.
Янги келганлар Бремер, Поль Погба ва Анхель Ди Мария "Ювентус"нинг асосий таркибида баҳсни бошлашди. Улар биринчи бўлимда ўйнашди ва танаффусда алмаштирилди.
Итальян клубининг мавсумолди навбатдаги рақиби "Барселона" бўлади. Ўйин 27 июль куни бўлиб ўтади ва Тошкент вақти билан соат 05.30да бошланади.
