"Манчестер Юнайтед" бош мураббийи Эрик тен Хаг "Астон Вилла"га қарши ўртоқлик ўйини бўлиб ўтган Австралиянинг "Оптус" стадионидаги чимнинг ёмон ҳолатидан нолимади.
“Вазият ҳамма учун бир хил эди, биз бундан баҳона қила олмаймиз. Биз яхшироқ мослашиб, бу омилни ўз устунлигимизга айлантира олсак бўлар эди.", - дейди Тен Хаг ўйиндан кейинги матбуот анжуманида.
“Манчестер Юнайтед” – “Астон Вилла” учрашуви 2:2 ҳисобидаги дуранг билан якунланди. “Қизил иблислар” сафида аввалига Жейдон Санчо гол урди, кейин эса Мэтт Кэш автоголга муаллифлик қилди. Иккинчи бўлимда “Виланлар” яна қайтиб, Леон Бэйли ва Калум Чемберснинг ҳаракатлари билан ҳисобни тенглаштирди.
