"Лейпциг" ҳимоячиси Норди Мукьеле "ПСЖ"га ўтишга яқин турибди, дея хабар беради журналист Фабрицио Романо.
Манбага кўра, парижликлар клуби 24 ёшли франциялик футболчи учун 12 миллион евро тўлайди, "Лейпциг" эса яна 4 миллион еврони бонус сифатида олиши мумкин.
Олдинроқ, "ПСЖ" бош мураббийи Кристоф Галтье клуб яқин вақт ичида қанот ҳимоячиси билан шартнома имзолашини тасдиқлаганди.
Мукьеле ўтган мавсумда "Лейпциг" сафида 37 та ўйинда майдонга тушиб, 2 та гол урди ва 5 та голга ассистентлик қилди.