"Наполи" ҳужумчи Дрис Мертенс жамоани тарк этганини эълон қилди. Футболчининг Италия клуби билан шартномаси ниҳоясига етди.
Хабар қилинишича, футболчига "Рома" ва "Марсел" клублари қизиқиш билдирмоқда.
Футболчи 2013 йилдан буён "Наполи"да ўйнаб келмоқда. Умумий ҳисобда у жамоа сафида 295 та ўйин ўтказиб, 113 та гол урган. “Наполи” билан у икки марта Италия кубогини ва бир марта Италия Суперкубогини қўлга киритган. Ўтган мавсумда Мертенс “Наполи” сафида барча мусобақаларда 37 та ўйинда майдонга тушиб, 13 та гол урди ва 2 та голли узатмани амалга оширди.
