Италиянинг “Феррина” клубини 20 ёшли ҳимоячиси Андреа Мусиу Италиядаги футбол учрашуви вақтида вафот этди, деб хабар бермоқда La Gazzetta dello Sport.

Воқеа шанба куни кечқурун Италиянинг Кальяри шаҳридаги футбол майдонида содир бўлган. Дўстлари билан ўйин вақтида Мусиу тўсатдан ўзини ёмон ҳис қилиб, ҳушини йўқотган ва ерга йиқилган. Йигитга ёрдам бериш учун иккита тез ёрдам машинаси етиб келган, бироқ футболчини реанимация қилишнинг имкони бўлмаган.

Кейинроқ “Феррина” спорт жамияти футбол сектори раҳбари Пьетро Каддео ўтган йили Мусиу юракдаги муаммолар туфайли танаффус қилганини айтди.

— Андреа яхши, ақлли йигит ва бундан ташқари, жуда иқтидорли эди. У сўнгги икки мавсумдан бери бизнинг футболчимиз, аммо соғлиғи ва юраги билан боғлиқ муаммолар борлиги учун жамоамиз таркибида ҳаракат қилмади. Тез орада машғулотларни давом эттиришимиз керак эди. "Феррина" жамоасининг барча аъзоси Андреа учун қайғуда", - деди Каддео.

Мусиу "Кальяри"нинг ёшлар жамоасида ҳам ўйнаган.