"Наполи" президенти Аурелио Де Лаурентис ҳужумчи Дрис Мертенснинг жамоадан кетиши ҳақида гапирди.

“У йилига 4,5 миллионлик маошни рад этди. Бу учун унга раҳмат айтаман: қувонч, тинчлик ва муваффақият тилайман.

Аммо биз ўз имкониятларимизга қарши чиқа олмаймиз. Мен келажагимиз учун ёшларни сотиб олишим керак”, - дейди журналист Жанлука Ди Марцио функционернинг сўзларидан иқтибос келтирган ҳолда.

35 ёшли футболчи "Наполи"да 2013 йилдан буён ўйнаб келмоқда. Умумий ҳисобда у жамоа сафида 295 та ўйин ўтказиб, 113 та гол урган. “Наполи” билан у икки марта Италия кубоги ва бир марта Италия Суперкубогини қўлга киритди.

Мертенс ўтган мавсумда “Наполи” сафида 37 та ўйинда майдонга тушиб, 13 та гол урди ва 2 та голли узатмани амалга оширди.