"Манчестер Юнайтед" "Интер"нинг нидерландиялик ҳимоячиси Дензел Дюмфрисга қизиқиш билдирмоқда, деб ёзди журналист Экрем Конур.
Манбанинг хабарига кўра, инглиз клуби аллақачон футболчининг трансфери бўйича музокараларни бошлаб юборган. Олдинроқ италияликлар футболчини 30-35 миллион еврога баҳолаётгани хабар қилинганди.
26 ёшли Дюмфрис ўтган мавсумда "Интер" сафида барча турнирларда 45 та ўйинда майдонга тушиб, 5 та гол урди ва 7 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
