"Manchester Yunayted" "Inter"ning niderlandiyalik himoyachisi Denzel Dyumfrisga qiziqish bildirmoqda, deb yozdi jurnalist Ekrem Konur.

Manbaning xabariga ko‘ra, ingliz klubi allaqachon futbolchining transferi bo‘yicha muzokaralarni boshlab yuborgan. Oldinroq italiyaliklar futbolchini 30-35 million yevroga baholayotgani xabar qilingandi.

26 yoshli Dyumfris o‘tgan mavsumda "Inter" safida barcha turnirlarda 45 ta o‘yinda maydonga tushib, 5 ta gol urdi va 7 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.