Таниқли футбол журналисти Жерар Ромеро аргентиналик ҳужумчи Лионель Мессининг “Барселона”га қайтиши мумкинлиги ҳақидаги матбуотда пайдо бўлган маълумотларга муносабат билдирди.
"Менда ҳозирча бу борада аниқ маълумот йўқ. Лекин мен аниқ биламанки, Лео ва Хави ўтган мавсум давомида мулоқот қилишган. Энди эса Лапортанинг Месси ҳақидаги сўзлари пайдо бўлди... Кўрамиз, кейин нима бўлади”, — дея ижтимоий тармоқларда журналистнинг сўзларидан иқтибос келтирилган.
Месси "Барселона" академиясининг тарбияланувчиси. Аргентиналик футболчи 2005 йилдан 2021 йилгача “кўк-анорранглилар” сафида тўп сурган. Шартнома муддати тугагач, ҳужумчи каталонияликларни тарк этиб, "ПСЖ"га ўтганди.
