"ПСЖ" "Лилль" ярим ҳимоячиси Ренату Саншеш ва "Лейпциг" ҳимоячиси Норди Мукиеле бўйича музокараларнинг сўнгги босқичида.
L'Equipe хабарига кўра, клуб иккала шартномани 27 июль чоршанба кунига қадар якунламоқчи. Спорт директори Луис Кампос клуб Францияга қайтганидан сўнг янги келганларнинг жамоага қўшилишини истамоқда. Ҳозирча "ПСЖ" Япония бўйлаб сафарини якунламоқда.
Аввалроқ Саншешнинг трансфери тахминан 20 миллион еврога баҳоланганди. 24 ёшли португалияликнинг "Лилль" билан амалдаги шартномаси келаси ёзгача ҳисобланган ва унинг ўзи ҳали якуний қарорга келгани йўқ.
Мукиелега келсак, 24 ёшли қанот ҳимоячиси "ПСЖ" билан ҳамкорлик шартларини келишиб олган. Унинг Transfermarkt'даги нархи 20 миллион евро.
