“Вильярреал” ҳимоячиси Пау Торрес янги мавсумни “Челси” сафида бошлаши мумкин. Аввалроқ Лондон клуби "Севилья"дан Жюль Кунде трансфери бўйича музокаралар олиб бораётганди, аммо трансфер тўхтаб қолди.

Антонио Рюдигер ва Андреас Кристенсен ёзда жамоани тарк этганидан сўнг, "кўклар" марказий ҳимоячи қидирмоқда. Бу ролга номзодлардан бири Торресдир.

Қайд этилишича, Лондон клуби Испания терма жамоаси ҳимоячиси учун 50 миллион евро сарфлашга тайёр.

Футболчи ўтган мавсумда Испания чемпионатида 33 та ўйинда майдонга тушиб, 5та гол урди ва 1та голли узатмани амалга оширди.