"Наполи"нинг собиқ ҳужумчиси Дрис Мертенс Италия чемпионатида ўйнашда давом этиши мумкин. Football Italia хабарига кўра, 35 ёшли бельгиялик футболчи фаолиятини якунлашдан олдин бир мавсум ўйнашни кутмоқда.

Маълум қилинишича, "Лацио"да ҳужумчи бош мураббий Маурицио Саррининг 4-3-3 ўйин схемасига мос тушади.

"Интер" Мертенсни ҳужумчи Алексис Санчес билан шартнома бекор қилинганидан кейингина қўлга киритиши мумкин.

35 ёшли бельгиялик футболчининг “Наполи” билан шартномаси 1 июль куни якунига етди. Клуб уни янгиламади.

Мертенс неаполликлар сафида 2013 йилдан бери тўп тепади. У 397 ўйинда 148 та гол урган ҳолда улар тарихидаги энг яхши тўпурар ҳисобланади.