Ўзбекистон олий лигасининг 5-турида қолдирилган учрашувда Фарғонанинг "Нефтчи" клуби ўз уйида Тошкентнинг "Пахтакор" клубини қабл қилиб ишончли ғалабага эришди.
Учрашувда аввалига тошкентликлар ҳисобда олдинга чиқиб олишганди. Даврон Ҳошимов иккинчи бўлимнинг дастлабки дақиқасида "Пахтакор"ни ҳисобда олдинга олиб чиқди. Бироқ кейинги вазиятларда "Нефтчи" вакиллари кетма-кет голлар киритиб ўз иродасини намойиш эта олишди.
Дастлаб, Насибуллаев, кейин эса Мансур Саидов ва Анвар Бердиевлар томонидан киритилган голлар "Нефтчи"га навбатдаги уч очкони келтирди ва улар 15 очко тўплаган ҳолда 4-ўринга кўтарилиб олишди. Энди "Насаф" ва "Пахтакор"дан "Нефтчи" уч очкогагина ортда бормоқда
Олий Лига. 5-турнинг қолдирилган учрашуви
НЕФТЧИ – ПАХТАКОР 3:1 (0:0)
Голлар: Шавкат Насибуллаев (56), Мансур Саидов (67), Анвар Бердиев (83) - Даврон Ҳошимов (46).
«Нефтчи»: Фаррух Турдиалиев, Шукур Пўлатов, Ойбек Нурбоев, Шавкат Насибуллаев, Бахтиёр Ёқубов, Павел Смольяченко (Муҳсин Низомиддинов, 74), Сардор Мирзаев, Шерзод Хакимов (Анвар Бердиев, 66), Дилёрбек Эрматов, Отабек Исроилов (Мансур Саидов, 46), Иқбол Акрамов.
«Пахтакор»: Александр Лобанов, Егор Кримец, Кахи Махарадзе, Иракли Климиашвили, Шерзод Каримов (Аббос Махсталиев, 63), Даврон Ҳошимов, Илҳом Суюнов, Станислав Андреев, Владимир Козак, Темурхўжа Абдухолиқов (Шахбоз Эркинов, 52), Ойбек Қиличев (Бахриддин Ваҳобов, 77).
Ҳакамлар: В. Коваленко (Тошкент), Р. Ильясов (Тошкент), М. Саидқосимов (Тошкент), А. Раҳимов (Андижон).