"Манчестер Юнайтед" "Зальцбург" жамоаси ҳужумчи Бенжамин Шешкони ўз сафига қўшиб, кейин уни Австрия клубига бир мавсумга ижарага беришни кўриб чиқмоқда. Sport Klub нашри хабарига кўра, "Зальцбург" ушбу келишув вариантини афзал кўрмоқда.
Эслатиб ўтамиз, 19 ёшли Шешко ўтган мавсумда “Зальцбург” сафида Австрия чемпионатида 24 та ўйин ўтказган. Словениялик футболчи бу учрашувларда 5 та гол уришга эришди.
"Манчестер Юнайтед" бош мураббийи Эрик тен Хагга Шешконинг сотиб олинишига қарши эмас. Нидерландиялик мураббийнинг фикрича, Бенжамин юқори ҳужумчига айлана олади.
