"Лидс" дарвозабонлар сафини фахрий посбон Бен Фостер билан кучайтириш ниятида.
39 ёшли футболчи эркин агент ҳисобланади. У ўтган мавсумни "Уотфорд"да ўтказди, аммо клубга Премьер-лигада жон сақлаб қолишга ёрдам бера олмади.
Daily Mail хабарига кўра, "Лидс" 21 ёшгача бўлган Франция терма жамоаси дарвозабони Илан Мельенинг ўрнига Фостердан тажрибали ўринбосар топишга умид қилмоқда.
Таъкидланишича, шартнома бир йилга имзоланади. Фостернинг ўзи яқинда "Лидс" бош мураббийи Жесси Маршнинг Премьер-лигадаги ишидан завқланишини айтди ва клуб келаси мавсумда Премьер-лигада қолиши мумкинлигига ишонч билдирди.
