"Манчестер Юнайтед"нинг собиқ ҳимоячиси Гари Невилл "Барселона"ни Каталония жамоаси футболчиларининг маошини камайтиргани учун танқид қилди. Олдинроқ испан клуби бош мураббийи Хави ярим ҳимоячи Френки де Йонгга агар футболчи "Барселона"да қолишни истаса, маошини деярли ярмига қисқартириш кераклигини айтгани ҳақида хабар берилганди.
"Де Йонг "Барселона"ни судга беришни ўйлаб кўриши ва барча футболчилар уни қўллаб-қувватлаши керак! Янги ўйинчиларга шартнома бўйича тўлиқ пул тўламай туриб, уларга пул сарфлайдиган клуб ахлоқсизлик ва ҳақоратдир", - деб ёзади Невилл ижтимоий тармоқда.
Ярим ҳимоячи ўтган мавсумда каталонияликлар сафида 45 ўйинда 4 та гол урди ва 5 та голли узатмани амалга оширди. Де Йонгнинг клуб билан шартномаси 2026 йилнинг 30 июнига қадар амал қилади.
