"Барселона" ҳужумчиси Ансу Фати Ла Лиганинг янги мавсуми бошланиши олдидан ўзининг қандай формада эканлиги ҳақида гапирди.
"Аввалгидек ўйнайсизми? Мен бунга эришиш учун ҳаракат қиламан. Меҳнат ва фидойилик билан мақсадимга эришишимга шубҳам йўқ. Ҳозир мен 100% тайёр эмасман, лекин бунга яқинман. Жароҳатдан тузалаётганда эҳтиёткорлик билан ўйнаш керак, бу нормал ҳолат. Гарчи мен бу ҳақда фақат биринчи дақиқаларда эслайман. Энди қўрқмасдан ўйнайман", - дея Фати сўзларини келтиради Marca.
Ўтган мавсумда 19 ёшли Фати сон жароҳати туфайли 3 ойни ўтказиб юборди. “Барселона” ҳужумчиси 2021/22 йилги мавсумда клуб сафида барча турнирларда 13 та ўйинда майдонга тушиб, 6 та гол урди ва 1 та голли узатмани амалга оширди.
