Шу ёзда “Валенсия”ни эркин агент сифатида тарк этган Россия терма жамоаси ярим ҳимоячиси Денис Черишев ҳали янги клуби борасида бир қарорга келмаган. Бу ҳақда Marca нашри хабар бермоқда.
Манба берган хабарга кўра, 31 ёшли россиялик футболчи жамоа топишда муаммога дуч келган. Айни дамда Денис ҳеч қайси клуб билан музокаралар олиб бормаяпти. Шу боисдан ҳам ярим ҳимоячи янги мавсумга мустақил тайёргарлик кўрмоқда.
Эслатиб ўтамиз, Черишев бутун фаолиятини Испания чемпионатида ўтказган. Денис "Реал", "Вильярреал" ва "Валенсия"даги ўйинлари билан ном қозонган.
