"Саутгемптон" "Бордо" ҳужумчиси Секу Маранинг трансфери якунланганини эълон қилди.
Инглиз клуби 19 ёшли француз билан 4 йиллик шартнома имзолади.
Клуб ўтган ҳафтада "Бордо" билан принципиал келишувни эълон қилганди, энди томонлар ниҳоят барча тафсилотларни ҳал қилишди ва барча ҳужжатларни имзолашди. Transfermarkt.com портали трансфер суммасини 13 миллион еврога баҳоламоқда.
Ўтган мавсумда Мара жамоа сафида барча мусобақаларда 36 та ўйинда майдонга тушиб, 7 та гол урди ва 4 та голли узатмани амалга оширди.
