"Манчестер Юнайтед" ҳужумчиси Криштиану Роналду яқин вақт ичида клуб бош мураббийи Эрик тен Хаг билан учрашиб, келажаги ҳақида гаплашади. Бу ҳақда журналист Фабрицио Романо ижтимоий тармоқларда маълум қилди.
Эслатиб ўтамиз, Роналду "қизил иблислар"ни тарк этиб, Чемпионлар лигасида ўйнайдиган клубга ўтмоқчи.
Португалиялик агент Жорже Мендеш ҳозирда мижози учун фаол равишда янги жамоа изламоқда. Вариантлардан бири "Атлетико". Диего Симеоне жамоасига ўтиш учун ҳужумчи маошини 30 фоизга камайтиришга тайёр.
Аввалроқ, Мюнхеннинг "Бавария" клуби Роналду хизматларидан бош тортганди. Шунингдек, Лондоннинг “Челси” клуби футболчини таклиф қилишни истамади.
