"Челси" бош мураббийи Томас Тухель клуб раҳбариятидан яна 4 та трансфер сўрамоқда. Журналист Саймон Жонсоннинг сўзларига кўра, жамоа навбатдаги ҳимоячини сотиб олганидан кейин ҳам трансфер бозоридаги фаоллигини камайтирмайди.
Клуб аввалроқ "Манчестер Сити" футболчиси Рахим Стерлинг ва "Наполи" ҳимоячиси Калиду Кулибали билан шартнома имзолаганди. Иккала футболчининг трансфери клуб учун 90 миллион еврога тушган.
Трансфер ойнасининг қолган кунларида "Челси" камида иккита марказий ҳимоячи олишга ҳаракат қилади. Шунингдек, жамоа икки ҳужумчини сотиб олмоқчи, чунки Ҳаким Зиеш ва Тимо Вернер ёзда "Стамфорд Бридж"ни тарк этиши мумкин.
