Лондоннинг “Челси” клуби “Севилья” ҳимоячиси Жюль Кунденинг трансфери борасидаги таклифини яхшиламади. Журналист Хосе Мануэль Гарсиянинг ёзишича, “кўклар” дастлаб 55 миллион евро таклиф қилган, бироқ “Севилья” бунга рози бўлмаган ва яна 10 миллион сўраган. "Челси" оғзаки рози бўлди, лекин расмий таклиф юбормади.
Кейин Лондон клуби футболчи учун курашдан воз кечишга қарор қилди. Эндиликда франциялик футболчига ягона даъвогар “Барселона” бўлиб қолмоқда, бироқ, каталонияликлар ҳали “Севилья”нинг молиявий талабларига жавоб бера олмаяпти.
"Челси" эса ўз навбатида Йошко Гвардиол ва Милан Шкриньярларга эътиборини қаратди.
