Лондоннинг “Арсенал” клубининг янги футболчиси Александр Зинченко “канонирлар”нинг 4:0 ҳисобида ғалаба қозонган “Челси”га қарши синов ўйини ҳақида фикр билдирди.

“Қайд этилган ҳисобдан жуда мамнунман. 4:0 - ажойиб натижа, лекин бу ўртоқлик ўйини, Премьер-лигада эса ҳаммаси бошқача бўлади. Умид қиламанки, натижа ҳам шундай бўлади, лекин биз кўп ишлашимиз керак”, - деди “Арсенал” ҳимоячиси.

Зинченко “канонирлар”нинг ўйинига тезроқ мослашишни хоҳлашини қўшимча қилди ва самимий қабул учун жамоага миннатдорчилик билдирди.

Футболчи ушбу мавсум оралиғида "Манчестер Сити"дан "Арсенал"га ўтди.

Зинченко ўтган мавсумда Премьер-лигада 15 та ўйинда майдонга тушиб, 4 та голли узатмани амалга оширган.