"Манчестер Юнайтед" ҳужумчиси Криштиану Роналдунинг агенти Хорхе Мендеш клуб раҳбарияти билан музокара ўтказди. У бош мураббий Эрик тен Хаг билан учрашиш учун шу ҳафта бошида Манчестерга келди.
COPE хабарига кўра, Мендеш 37 ёшли португалиялик билан шартнома узайтирилишини, кейин эса футболчи бошқа клубга ижарага қўйиб юборилишини истамоқда.
Ҳужумчининг клуб билан амалдаги шартномаси 2023 йилнинг 30 июнига қадар тузилган. Transfermarkt портали футболчининг нархини 30 миллион еврога баҳоламоқда.
Роналду ўтган мавсумда барча мусобақаларда 39 ўйинда 24 та гол урди ва 3 та голли узатмани амалга оширди.
