"Рома"га янги келган Пауло Дибала Рим клуби мухлислари олдида табрик сўзини айтди.
“Илиқ қабул учун катта раҳмат. Сиз билан танишганимдан жуда хурсандман.
“Рома”га қарши ўйнаш қандай эканлигини биламан ва ҳар сафар мен учун ҳам, аввалги жамоаларим учун ҳам қийин бўлган. Энди мен сиз биланман ва жамоага чиройли ҳикоя ёзишда ёрдам бермоқчиман.
Ҳозир мен учун энг муҳими имкон қадар тезроқ формага киришиш. Мен майдонга тушиб, бу ажойиб томошабинларни хурсанд қилишни хоҳлайман", - дея аргентиналикдан иқтибос келтиради La Gazette Dello Sport.
"Рома" 20 июль куни Дибалани эркин агент мақомида ўз сафига қўшиб олганини эълон қилди. 28 ёшли аргентиналик Рим клубига текинга ўтди ва 2025 йилнинг июнь ойи охиригача шартнома имзолади.
