ЖЧ-2014 саралашининг Осиё минтақаси IV босқич "А" гуруҳида Эрон ва Қатар терма жамоалари ўртасида 3-тур учрашуви ҳам якунланди. Жанубий Корея икки ўйиндан 100 фоизлик имкониятга эга бўлгач, ЖЧ-2014 йўлида энг асосий рақибларимиз айнан Эрон ва Қатар терма жамоалари бўлиши тобора ойдинлашмоқда.
Учрашувнинг биринчи бўлими форсларнинг тотал назорати остида ўтган бўлса-да, ҳисоб очилмади. Умуман, учрашув нимаси биландир Ўзбекистон-Эрон учрашувини эслатиб юборди, фарқи – Ўзбекистон ролида энди Эрон эди.
Уммон ўтган турда ҳам Австралияни қабул қилиб, 0:0 ҳисобида дуранг ўйнаган эди. Гарчи илк учрашувда Японияда японларга 0:2 ҳисобида имконият бой берилган бўлса-да, Уммон гуруҳ грандлари билан тенг кураш олиб бориши мумкинлигини исботламоқда.
Иккинчи бўлимда форсларнинг босими янада ортди. Ўйин сўнгига бориб, араблар "асл" ўйинлари эсга тушиб вақтни чўзиш билан овора бўлишди. Бурчак тўпларини ошириш бўйича нисбат 13:1 эканлиги ҳам устунлик қайси томонда бўлганидан далолат бериб турибди.
Учрашувнинг қўшимча вақти ўтиб бораётган Каримийни чалишди ва жуда хавли нуқтада форслар жарима тўпини ижро этиш ҳуқуқини қўлга киритишди. Бироқ Ашкон Дежога имкониятдан фойдалана олмади.
Шу тариқа, ўйинда Ўзбекистон терма жамоасининг имкониятларини оширишга хизмат қилган ҳисоб қайд этилди – 0:0!
ЖЧ-2014 САРАЛАШ УЧРАШУВИ.
ОСИЁ МИНТАҚАСИ. IV БОСҚИЧ, "А" ГУРҲИ. 3-ТУР
ЭРОН – ҚАТАР 0:0
ЭРОН: Маҳди Раҳматий, Ҳоди Оқилий, Ҳуссайн Маҳиний (Муҳаммад Иброҳимий, 54), Хусрав Ҳайдарий, Али Каримий, Жавод Накуном, Андроник Темурян, Саййид Жалол Ҳуссайний, Эҳсон Ҳожисафий (Муҳаммадризо Халатбарий, 46), Карим Ансорифард, Меҳрдод Пўлотий
Бош мураббий: Карлос Кейруш
ҚАТАР: Қосим Бурҳон, Иброҳим ал-Ғаннам, Иброҳим Мажид, Маркон Амарал, Муҳаммад Касола, Талал ал-Балуший, Одил Ламий (Мажди Сиддиқ, 46), Фабио Сезар Монтесин (Юсуф Аҳмад, 90+1), Юнус Али, Халфан Иброҳим, Себастьян Сория Куинтана
Бош мураббий: Паулу Аутуори
Огоҳлантиришлар: Андроник Темурян (88), Али Каримий (90) – Иброҳим Мажид (53), Фабио Сезар(90)
Бош ҳакам: Петер Грин (Австралия)
12 июнь. Теҳрон. "Озодий" стадиони.
