“Аталанта”нинг аргентиналик ҳимоячиси Хосе Паломино допинг-тестдан ўта олмади, деб хабар бермоқда Италия клуби матбуот хизмати.

Футболчининг қонида анаболик стероид бўлган нандролон топилди. Бергамоликлар хабарига кўра, антидопинг агентлиги футболчини дисквалификация қилган. Тақиқ муддати ҳозирча ошкор этилмаган.

32 ёшли ҳимоячи Италия чемпионатининг ўтган мавсумида “Аталанта” сафида 34 та ўйинда майдонга тушди. Тажрибали футболчи битта гол урди ва 9 марта сариқ карточка олди. Ҳимоячининг Бергамо клуби билан амалдаги шартномаси келаси йилнинг июн ойи охиригача мўлжалланган.

Паломино 7,5 миллион еврога баҳоланган.