Лондоннинг “Челси” клуби ёзда 8 нафар футболчи билан хайрлашиши мумкин. Журналист Саймон Филлипснинг фикрича, Тимо Вернер, Кеп Арризабалага, Росс Баркли, Миши Бачуайи, Маркос Алонсо, Сезар Аспиликуэта, Кристиан Пулишич ва Хаким Зиешлар жамоани тарк этиши мумкин.
Рўйхат тилга олинган кўплаб футболчилар бош мураббий Томас Тухелнинг режаларига киритилмаган, шу боис клуб тегишли миқдорда товон пули эвазига улар билан хайрлашишга қарши эмас.
Шунингдек, футболчиларнинг сотилиши “Челси”га бошқа ҳужумкор футболчининг трансфери учун пул йиғишга ёрдам бериши мумкинлиги айтилмоқда. Тухель аллақачон раҳбариятга олдинги чизиқни камида яна битта сифатли ҳужумчи билан мустаҳкамлашни ҳоҳлашини айтган.
