"Манчестер Юнайтед" ўз сайтида Амстердамнинг "Аякс" клуби футболчиси Лисандро Мартинеснинг трансферини расман эълон қилди. Футболчи инглиз клуби билан 2027 йилгача шартнома имзолаган. Олдинроқ бу келишув “қизил иблислар”га 60 миллион еврога тушиши хабар қилинганди.
Аргентиналик Лисандро Мартинес "Манчестер Юнайтед"нинг ушбу трансфер ойнасидаги учинчи футболчиси бўлди. Клуб аввалроқ "Фейеноорд" футболчиси Тирелл Маласиа ва "Брентфорд" футболчиси Кристиан Эриксенни ўз сафига қўшиб олганди.
Эслатиб ўтамиз, Мартинес бир неча йил "Манчестер Юнайтед" бош мураббийи Эрик тен Хаг билан Амстердамнинг "Аякс" клубида ишлаган.
