Ла Лига президенти Хавьер Тебас "Барселона" ярим ҳимоячиси Френки де Йонгдан маошини камайтиришни сўрагани ҳақидаги хабарларга изоҳ берди.
“Футболчиларни жамоадан ажратиб бўлмайди ёки уларга босим ўтказиб бўлмайди - бу қонун, ақл ва ахлоқ асосида жамоа шартномасига киритилган. "Барселона" қоидалар ва масъулиятни билади", - дея Тебаснинг сўзларини келтирган Infobae.
Аввалроқ "Барселона" 25 ёшли футболчига ултиматум қўйгани ҳақида хабар берилганди: у ё маошини камайтиришга рози бўлиши ёки Каталония клубини тарк этиши керак.
Де Йонг ўтган мавсумда каталонияликлар сафида 46 та ўйинда майдонга тушиб, 4 та гол урди ва 5 та голли узатмани амалга оширди. Ярим ҳимоячининг клуб билан шартномаси 2026 йилнинг 30 июнига қадар мўлжалланган.