Трансфер бозори бўйича эксперт Фабрицио Романо Лондоннинг "Арсенал" клуби ушбу ёзда мавсум оралиғида "ПСЖ" ҳужумчиси Мауро Икардини сотиб олиш имкониятига эга бўлганини маълум қилди.
"Арсенал"да кўплаб имкониятлар бўлган ва лондонликлар рад жавобини берган, аммо бу барча топ-клубларда ҳар куни содир бўлади. Масалан, Мауро Икарди варианти музокараларни давом эттирмасликка қарор қилинди. Шу сабабли, "Арсенал" бор эътиборини Жесусга қаратди”, - деди Романо.
"ПСЖ"даги мураббийлар штабидаги ўзгаришлардан сўнг, Икарди трансфер рўйхатига киритилди.
Ўтган мавсумда Икарди Франция чемпионатида 24та ўйин ўтказиб, 4та гол урган.
