Куни кеча Испания матбуотида германиялик дарвозабон Марк-Андре тер Штеген “Барселона”ни тарк этиши мумкинлиги ҳақида хабарлар тарқалди.

Энди эса асосий дарвозабоннинг трансфери "кўк-анорранглилар" раҳбариятининг режаларига киритилмагани маълум бўлди. Diario Sport нашри хабарига кўра, мураббийлар штаби ва клуб раҳбарияти дарвозабонни сотиш ҳақида ўйламаяпти. Мураббий Хави Эрнандес янги мавсумда Тер Штегенни жамоанинг биринчи рақамли дарвозабони деб ҳисобламоқда.

Марк-Андре ўтган мавсумда Ла Лигада 35 та ўйин ўтказиб, 34 та гол ўтказиб юборган. Унинг "Барселона" билан амалдаги шартномаси 2025 йилнинг ёзига қадар мўлжалланган.