“Динамо” ҳужумчиси Андрей Ярмоленконинг агенти Михаил Гулордава мижози билан Европа клублари ўртасидаги қизиқишларни шарҳлаб ўтди.

“Ярмоленкони нафақат Италияда кўришни хоҳлашмоқда, балки Европанинг бошқа давлатларида ҳам унинг хизматларидан фойдаланишни истаганлар талайгина. Ҳозирча италияликлар томонидан энг фаол харидор “Милан” клуби бўлиб турибди. Улар 20 миллион евро таклиф қилишди. Аммо “Динамо” клуби президенти Игорь Суркиснинг пули ошиб-тошиб ётибди. У ўйинчини трансфер қилишдан бош тортмоқда.

Агар таклиф розиликдан бошқа чора қолдирмаса, Ярмоленко айнан “Милан”га йўл оларди. У Шевченконинг йўлидан боришни жуда-жуда истамоқда”, - дейди Италия матбуотига.