"Бенфика" ҳимоячиси Алехандро Гримальдо "Барселона"га ўтиши мумкин.

Каталония клуби Жорда Альба билан рақобатлаша оладиган чап қанот ҳимоячиси қидиришда давом этмоқда. “Барселона” аввалроқ “Челси” билан Маркос Алонсони қўлга киритиш бўйича музокаралар олиб бораётганди, бироқ “кўклар” бош мураббийи Томас Тухель келишувга тўсқинлик қилди.

Marca нашрининг хабарига кўра, трансфери 20 миллион еврога баҳоланган Гримальдо каталонияликлар учун захира вариантга айланиши мумкин. Футболчига "Барселона"дан ташқари "Манчестер Сити" ҳам қизиқмоқда.

Футболчи ўтган мавсумда Португалия чемпионатида 29 та ўйинда майдонга тушиб, 5 та гол урди ва 5 та голли узатмани амалга оширди.