"Аталанта" ярим ҳимоячиси Алексей Миранчук ёзда Бергамони тарк этиши мумкин. Николо Скиранинг сўзларига кўра, Италиянинг уч жамоаси 26 ёшли футболчига даъвогар: "Торино", "Верона" ва "Болонья".
Олдинроқ туринликлар клуби россиялик футболчининг трансфери бўйича таклиф тайёрлаётгани ҳақида хабарлар тарқалган эди.
Миранчук “Аталанта”да 2020 йилнинг сентябрьидан буён ўйнаб келмоқда. Ўтган мавсумда у Бергамо жамоаси сафида 25 та ўйинда майдонга тушиб, 2 та гол урди ва 5 та голли узатмани амалга оширди.
Унинг "Аталанта" билан шартномаси 2024 йилнинг июнь ойи охиригача амал қилади.
