"Барселона" ўзининг расмий сайтида ўзининг биринчи NFT сотилишини эълон қилди. Йохан Кройффнинг "Атлетико" дарвозасига урган афсонавий голи тасвирланган (1973 йил 22 декабрь) рақамли токен Каталония клубига 693 минг доллар фойда келтирган.
Шунингдек, Нью-Йоркдаги ким ошди савдосида харидор яна тўртта қўшимча NFT сотиб олгани ва клубнинг рақамли элчисига айлангани, унга клубнинг махсус имтиёзларидан фойдаланиш имкониятини бергани қайд этилган.
NFT - блокчейн тармоғидаги ноёб виртуал рақамли бирликдир. Бу виртуал элементнинг эгалигини тасдиқлаш учун мўлжалланган.
