"Лейпциг" ҳимоячиси Анхелиньо ушбу трансфер ойнасида клубини ўзгартириши мумкин. Журналист Флориан Плеттенбергнинг ёзишича, испаниялик футболчини сотиб олиш масаласи яқинда ўзининг чап ҳимоячиси Давид Раумни "Лейпциг"га сотиб юборган Германиянинг "Хоффенхайм" жамоаси томонидан кўриб чиқилмоқда.
Анхелиньонинг ўзи Раумнинг трансферидан ҳайратда қолган, шунинг учун энди у Доменико Тедеско жамоасидаги келажагига шубҳа қилмоқда. "Хоффенхайм" "Лейпциг" билан потенциал трансфер борасида музокараларни бошлаб юборган.
Эслатиб ўтамиз, Анхелиньо ўз вақтида "Манчестер Сити"дан "Лейпциг"га ўтганди. Футболчига “Барселона” ҳам қизиқаётган эди.