2004 йилги Европа чемпионати ёдингиздадир? Скандинавия томонлардан келиб бир гуруҳга тушиб қолган Швеция ва Дания терма жамоалари Италияни биргалашиб мусобақадан чиқариб юборишганди.

Ўшанда ҳам Италия терма жамоаси гуруҳ босқичидаги иккита турни дуранг натижа билан бошлаган, сўнгги турга келиб тақдири бошқалар қўлида қолиб кетганди.

Бу сафар ҳам воқеалар ривожи шу тақлид ривож топяпти. Испания терма жамоаси бугун Ирландиядан устун келадиган бўлса, сўнгги турда Хорватия билан 2:2 ўйнаса ҳам рақибларини ўзлари билан қўшиб чорак финалга олиб кетади. Италия эса... Яхшиси Европа чемпионатлари тарихидан 2004 йилгисини варақлаб чиқинг.

Евро-2012. "С" гуруҳи
Италия – Хорватия 1:1  (1:0)
Голлар:  Пирло (39) - Манжукич (72).

Италия: Буффон, Бонуччи, Де Росси, Кьеллини, Маркизио, Пирло, Т. Мотта (Монтоливо, 63), Мажжо, Жаккерини, Балотелли (Ди Натале, 70), Кассано, (Жовинко, 83).
Хорватия: Плетикоса, Срна, Чорлука, Шильденфельд, Стринич, Вукоевич, Модрич, Ракитич, Перишич (Праньич, 68), Елавич (Эдуардо, 83), Манжукич (Н. Кранчар, 90).
Огоҳлантиришлар: Т. Мотта (56), Монтоливо (80), Шильденфельд (86).