Ярим ҳимоячи Жоржинио Вейналдум яқин орада "ПСЖ" жамоасини тарк этиб, "Рома" клубига ўтади. Algemeen Dagblad нашри хабарига кўра, клублар 31 ёшли футболчини сотиб олиш шарти билан ижарага олиш бўйича келишувга эришган. Вейналдум бугун тиббий кўрикдан ўтиш учун Римга ташриф буюради.
Эслатиб ўтамиз, Жоржинио Вейналдум бир йил аввал эркин агент сифатида "ПСЖ"га ўтган эди. Нидерландиялик футболчи Париж клубининг асосий таркиб ўйинчисига айлана олмади, шунинг учун энди парижликлар у билан хайрлашишга қарши эмас.
Тransfermarkt портали Жоржинио Вейналдумни 18 миллион еврога баҳоламоқда.
