Ирландия терма жамоаси бош мураббийи Жованни Трапаттони "С" гуруҳининг иккинчи турида Испаниядан учралган қақшаткич мағлубиятдан сўнг (0:4) фикрларинини билдирди.
- Биз кимга дуч келганимизни билар эдик, - дея Трапаттонининг сўзларини келтиради "СЭ". - Испания термасининг кучини билар эдик, айниқса ўрта чизиқда. Афсуски, биз яна тезкор гол ўтказиб юбордик. Бу бутун ўйинга мўлжалланган тактикага таьсир қилмасдан қўймади. Ўйинда нималар бўлганини ўзингиз кўрдингиз. Бизда руҳият билан боғлиқ муаммо бор. Кутилмаган хатоларга йўл қўйдик, мен бундай хатоларни машғулотларда ҳам, ўртоқлик ўйинларида ҳам, саралаш баҳсларида ҳам кўрмаган эдим. Рақибга бундай совғалар тақдим этиш ақлга сиғмайди.
- Италия билан қандай ўйнамоқчисизлар?
- Шундай ўйнамоқчимизки, кейин ажойиб ишқибозларимиз олдида уялиб қолмайлик. Агар футболчилар унутишса, мен уларга мухлисларимизни эслатаман. Ҳозир уларга ачиниб кетяпман.
- Испания Торрес билан ўйнаяпти. Нима деб ўйлайсиз - Испанияга ҳужумда ким ўйнашининг фарқи борми?
- Бу жамоа оркестр кабидир - унинг ўйинида барча футболчилар иштирок этади. Бунинг устига улар буни кўз юмган ҳолда ҳам бажара олишади. Бу мусобақада Испания билан тенглаша оладиган ягона жамоа - бу Германия. Ўйлашимча улар эртами кеч, учрашадилар ва чемпионлик масаласини ҳал қиладилар.
