"ПСЖ" ярим ҳимоячиси Идрисса Гейе фаолиятини Англияда давом эттириши мумкин, дея хабар беради журналист Фабрицио Романо.
Манбага кўра, 32 ёшли сенегаллик футболчига "Эвертон" даъвогарлик қилмоқда. Фрэнк Лэмпард футболчини ўз жамоасида кўрмоқчи. Хабар қилинишича, музокаралар шу ҳафта якунланиши керак.
Гейе 2016 йилдан 2019 йилгача "Эвертон"да ўйнаган, шундан сўнг "ПСЖ"га ўтган.
У ўтган мавсумда 33 та ўйин ўтказиб, 4 та гол урди ва голли узатмани амалга оширди. Transfermarkt портали футболчининг нархини 12 миллион еврога баҳоламоқда.