"ПСЖ" ярим ҳимоячиси Марко Верратти Франция Суперкубоги тарихига кирди. Кечаги ғалаба - италиялик футболчи учун фаолиятидаги тўққизинчи бўлди. Ҳеч ким бунчалик кўп марта бу совринни қўлга киритмаган.

Эслатиб ўтамиз, мамлакат Суперкубоги учун ўйинда парижликларга "Нант" жамоаси рақиблик қилганди. Кристоф Галтье шогирдлари рақибдан ишончли тарзда устунлик қилишди ва тўртта гол киритишди. Голларга Лионель Месси, Серхио Рамос ва дубл қайд этган Неймар муаллифлик қилишди.

29 ёшли Верратти 2012 йилнинг ёзидан бери Парижда тўп суради. Италиялик футболчининг шартномаси 2024 йилгача мўлжалланган.