"Манчестер Сити" Дортмунднинг "Боруссия" клуби ҳимоячиси Рафаэль Геррейрони сотиб олмоқчи. Бу ҳақда журналист Поль Балус ижтимоий тармоқларда хабар берди.
Қайд этилишича, "Манчестер Сити" скаутлари Португалия терма жамоаси футболчисини анчадан бери кузатиб боришган. Марк Кукуреллья трансфери бўйича "Брайтон" билан музокараларда муваффақиятсизликка учраганидан сўнг, Геррейро "шаҳарликлар" учун муқобил вариантлардан бирига айланди.
Дортмунднинг "Боруссия" клуби ёзда португалиялик футболчи билан хайрлашмоқчи эмас. Аввалроқ, дортмундликлар ўз ҳужумчиси Эрлинг Холандни "Манчестер Сити"га сотиб юборишган эди.
