"Барселона" ярим ҳимоячиси Рики Пуч "ЛА Гелакси" таклифига рози бўлди.
22 ёшли футболчи Америка клуби билан оғзаки келишувга эришди. Энди гап "Барселона"да: каталонияликлар шартномага Пучни қайтариб сотиб олиш ҳуқуқини ёки ярим ҳимоячининг келажакда қайта сотиладиган фоизини кафолатловчи бандни киритмоқчи, деб хабар беради Relevo.
Олдинроқ испаниялик футболчи ижара асосида "Лос-Анжелес Гелакси"га ўтиши мумкинлиги, "Барселона" эса футболчи билан шартномани узайтириши ҳақида хабар берилганди.
Рики Пуч 2014 йилдан бери жамоада. 2020 йилда у асосий жамоа сафига қўшилди ва жами 56 та ўйин ўтказди.
